អ្នកបឹងកក់បន្តតវ៉ាឲ្យដោះលែងអ្នកស្រី ទេព វន្នី
......................
ភ្នំពេញៈ អាជ្ញាធរខណ្ឌដូនពេញប្រមាណ ៥០ នាក់កាលពីម្សិលមិញបានរារាំងក្រុមស្ត្រីបឹងកក់មិនឱ្យហែក្បួនទៅកាន់ទីស្តីការគណៈរដ្ឋមន្ត្រីដើម្បីសុំអន្តរាគមន៍ពីលោកនាយករដ្ឋមន្ត្រីឱ្យដោះលែងតំណាងរបស់ពួកគេគឺអ្នកស្រី ទេព វន្នី និងអន្តរាគមន៍បញ្ចប់ករណីវិវាទដីធ្លីនៅបឹងកក់ ប៉ុន្តែមន្ត្រីខុទ្ទកាល័យនាយករដ្ឋមន្ត្រីបានចេញទៅទទួលញត្តិនៅបឹងកក់តែម្តង។តាមគម្រោងក្រុមស្រី្តបឹងកក់ប្រមាណ ៣០ នាក់នឹងធ្វើដំណើរដោយជិះម៉ូតូកង់បីទៅកាន់ទីស្តីការគណៈរដ្ឋមន្ត្រីដើម្បីសុំអន្តរាគមន៍ពីលោកនាយករដ្ឋមន្ត្រី ប៉ុន្តែត្រូវបានកម្លាំងសន្តិសុខខណ្ឌរារាំងមិនឱ្យចេញពីសហគមន៍ទេ។ ក្នុងញត្តិចុះថ្ងៃទី ១៤ កុម្ភៈ បានស្នើលោក ហ៊ុន សែន ជួយអន្តរាគមន៍ឱ្យដោះលែងអ្នកស្រី វន្នី អន្តរាគមន៍ទៅតុលាការឲ្យបញ្ឈប់ចាប់ស្ត្រីបឹងកក់ដាក់ពន្ធនាគារ និងបញ្ចប់ជម្លោះដីធ្លីនៅបឹងកក់ដែលនៅសេសសល់។
........................
ប្រភព៖ភ្នំពេញប៉ុស្ដិ៍
