អ្នកនាំពាក្យរដ្ឋសភា ប្រាប់អាមេរិក កុំលូកដៃចូលកិច្ចការផ្ទៃក្នុងកម្ពុជា
....................
ក្រោយពីរដ្ឋាភិបាលអាមេរិក សម្តែងការព្រួយបារម្ភចំពោះសេចក្តីស្នើចំពោះសេចក្តីស្នើវិសោធនកម្មនៃច្បាប់ស្តីពីគណបក្សនយោបាយ ដែលទើបតែត្រូវបានរដ្ឋសភា អនុម័តនៅថ្ងៃទី ២០ ខែកុម្ភៈ លោក ឡេង ប៉េងឡុង បានចេញមុខប្រតិកម្មតបនឹងរដ្ឋាភិបាលអាមេរិកភ្លាម។ប្រតិកម្មរបស់លោក ឡេង ប៉េងឡុង អ្នកនាំពាក្យរដ្ឋសភា គឺប្រាប់ទៅរដ្ឋាភិបាលនៃប្រទេសមហាអំណាចមួយនេះ កុំឲ្យលូកដៃចូលក្នុងកិច្ចការផ្ទៃក្នុងកម្ពុជា។ អ្នកនាំពាក្យរូបនេះ បញ្ជាក់ប្រាប់សារព័ត៌មានថ្មីៗតាមទូរសព្ទ យ៉ាងខ្លីបែបនេះថា៖« យើងធ្វើច្បាប់នេះ សម្រាប់ប្រយោជន៍ទូទៅ មិនមែនសម្រាប់គាបសង្កត់បក្សណាមួយទេ។ អាមេរិក គួរតែកុំលូកដៃ ជ្រៀតជ្រែកចូលការងារផ្ទៃក្នុងរបស់កម្ពុជា»។
នៅរសៀលថ្ងៃទី ២០ ខែកុម្ភៈ រដ្ឋាភិបាលអាមេរិក បានចេញសេចក្តីថ្លែងការណ៍ ដោយព្រួយបារម្ភពីសេចក្តីស្នើវិសោធនកម្មច្បាប់គណបក្សនយោបាយ ដែលត្រូវបានរដ្ឋសភាអនុម័ត។
...................
ប្រភព៖ថ្មីៗ
