មន្ដ្រីនាំពាក្យCPP ៖ ការធ្វើវិសោធនកម្មច្បាប់ថ្មី គឺពង្រឹងនីតិរដ្ឋនិងលទ្ធិប្រជាធិបតេយ្យនៅកម្ពុជា
..................
(ភ្នំពេញ) ៖ នៅព្រឹកថ្ងៃទី២០ ខែកុម្ភៈ ឆ្នាំ២០១៧ រដ្ឋសភាបានបើកសម័យប្រជុំវិសាមញ្ញ ដើម្បីអនុម័តសេចក្ដីស្នើវិសោធនកម្មច្បាប់ស្តីពីគណបក្សនយោបាយ តាមការគ្រោងទុក ដោយមិនមានវត្តមានសមាជិកសភាគណបក្សសង្គ្រោះជាតិ ចូលរួមឡើយ។ ក្រោយពីអនុម័តភ្លាម សេចក្ដីស្នើវិសោធនកម្មនេះក៏ត្រូវបានបញ្ជូនទៅកាន់ព្រឹទ្ធិសភាជាបន្ទាន់ ដើម្បីពិនិត្យលើខ្លឹមសារនិងអនុម័តយល់ព្រម នៅថ្ងៃជាមួយគ្នានោះដែរ។
បញ្ហានេះ បានធ្វើឲ្យមជ្ឈដ្ឋានជាតិ និងអន្តរជាតិ រិះគន់ថាការអនុម័តវិសោធនកម្មច្បាប់នេះ ធ្វើឡើងដើម្បីរឹតត្បិតសេរីភាពខាងនយោបាយរបស់គណបក្សប្រកួតប្រជែង និងជាការដើរផ្ទុយនឹងលទ្ធិប្រជាធិបតេយ្យ។
ទោះបីជាយ៉ាងនេះក្ដី លោកសុខ ឥសាន អ្នកនាំពាក្យគណបក្សប្រជាជនកម្ពុជាបានបញ្ជាក់ប្រាប់រស្មីកម្ពុជា ថាគោលបំណងនៃការធ្វើវិសោធនកម្មនេះ គឺដើម្បីពង្រឹងនីតិរដ្ឋ និងលទ្ធិប្រជាធិបតេយ្យនៅកម្ពុជា ឲ្យកាន់តែមានប្រសិទ្ធិភាពសំដៅបម្រើផលប្រយោជន៍ពិតប្រាកដជូនប្រជាពលរដ្ឋជាម្ចាស់ឆ្នោត។
ប្រភព៖រស្មីកម្ពុជា
http://www.rasmeinews.com/local/NDBmM2YwYz/18
