លោក ខៀវ កាញារីទ្ធ ជំរុញឲ្យផ្សាយសារនយោបាយវាយបកលើសារនយោបាយបក្សប្រឆាំង
- - - - - - - - - - - - - - - - -
លោក ខៀវ កាញារីទ្ធ រដ្ឋមន្ត្រីព័ត៌មាន បានអំពាវនាវទៅមហាជន ឲ្យជួយផ្សព្វផ្សាយសារនយោបាយពីរឃ្លា ដែលជាការវាយបកទៅនឹងសារនយោបាយរបស់គណបក្សប្រឆាំង នៅមុនការបោះឆ្នោតក្រុមប្រឹក្សាឃុំសង្កាត់នាពេលខាងមុខនេះ។គណបក្សសង្គ្រោះជាតិ កាលពីថ្ងៃទី០២ ខែមីនានេះ បានអនុម័តសារនយោបាយ “ដូរមេឃុំបម្រើបក្ស ដាក់មេឃុំបម្រើរាស្ត្រ” សម្រាប់យុទ្ធនាការឃោសនាបោះឆ្នោតក្រុមប្រឹក្សាឃុំសង្កាត់នាពេលខាងមុខ។ចំណែកឯរដ្ឋមន្ត្រីព័ត៌មាន លោក ខៀវ កាញារីទ្ធ កាលពីថ្ងៃទី០៩ ខែមីនានេះ ក៏បានប្រតិកម្មតបនឹងសារនយោបាយរបស់បក្សនេះដែរ ដោយបានស្នើទៅអ្នកប្រើប្រាស់បណ្ដាញសង្គម ឲ្យជួយផ្សព្វផ្សាយបន្តនូវសារនយោបាយ “កុំយកមេឃុំប្រូ ដូរមេឃុំទេវតា” និង សារមួយឃ្លាទៀត “មេឃុំប្រូពូកែសន្យា មេឃុំទេវតាពូកែធ្វើការ”៕
- - - - - - - - - - - - - - - - -
ប្រភព៖VOD
