ក្រោយការសង្ស័យ ក្រសួងមហាផ្ទៃពិនិត្យឃើញថា លក្ខន្តិកៈរបស់គណបក្សសង្គ្រោះជាតិខុស
- - - - - - - - - - - - - -
រដ្ឋមន្ត្រីក្រសួងមហាផ្ទៃ លោក ស ខេង កាលពីថ្ងៃម្សិលមិញបានដាក់ការសង្ស័យចំពោះលក្ខន្តិកៈរបស់គណបក្សសង្គ្រោះជាតិដែលបានបើកសមាជកាលពីថ្ងៃទី ០២មីនាកន្លងទៅ។ ក្រោយការដាក់ការសង្ស័យ អ្នកនាំពាក្យក្រសួងមហាផ្ទៃបានបញ្ជាក់ថា លក្ខន្តិកៈរបស់គណបក្សពិតជាខុសមែន ប៉ុន្តែក្រសួងនៅមិនទាន់បញ្ជាក់ថាតើផ្តល់ ឬមិនផ្តល់នៅឡើយទេ។គណបក្សសង្គ្រោះជាតិបានអះអាងថាក្រសួងមហាផ្ទៃមើលលក្ខន្តិកៈមិនច្បាស់។នេះគឺជាការបញ្ជាក់ពីអ្នកនាំពាក្យក្រសួងមហាផ្ទៃចំពោះលក្ខន្តិកៈរបស់គណបក្សសង្គ្រោះជាតិស្តីពីសមាជវិសាមញ្ញដែលបានជ្រើសរើសលោកកឹម សុខា ជាប្រធានគណបក្ស អមដោយអនុប្រធានចំនួនបីរូបផ្សេងទៀត។ លក្ខន្តិកៈរបស់គណបក្សសង្គ្រោះជាតិដែលបានតម្កល់ក្នុងក្រសួងមហាផ្ទៃត្រង់ប្រការ ៤៥ ៤៧ និងប្រការ ៥៤ សរសេរថា សមាជត្រូវធ្វើឡើងក្នុងរយៈពេល ១៨ខែក្រោយតំណែងប្រធានត្រូវទំនេរ ឬក៏រយៈពេល ៥ឆ្នាំម្តង ហើយនីតិវិធីក្នុងការជ្រើសរើសគឺត្រូវបោះឆ្នោតដោយសំងាត់។
- - - - - - - - - - - - - -
ប្រភព៖RFI
http://km.rfi.fr/cambodia/moi-cnrp-15-03-2017
