លោក ជា វ៉ាន់ដេត ជំនួសលោក សុខ អាន ជាតំណាងរាស្ត្រមណ្ឌលខេត្តតាកែវ
- - - - - - - - - - - - - - - - -
គណបក្សប្រជាជនកម្ពុជា បានធ្វើលិខិតស្នើទៅគណៈកម្មាធិការជាតិរៀបចំការបោះឆ្នោត ជាផ្លូវការហើយអំពីការស្នើដាក់លោក ជា វ៉ាន់ដេត បេក្ខជនបម្រុងលេខរៀងទី១ ជំនួសលោក សុខ អាន តំណាងរាស្ត្រមណ្ឌលខេត្តតាកែវ ដែលទទួលមរណៈភាព។លោកជា វ៉ាន់ដេត កើតនៅថ្ងៃទី០២ ខែមីនា ឆ្នាំ១៩៧១ គឺជាបេក្ខជនបម្រុងលេខរៀងទី១ ដែលមានអាយុក្មេងជាងគេក្នុងចំណោមបេក្ខជនបម្រុងចំនួន៨នាក់។ការដាក់បេក្ខជនជំនួសនេះ គឺបន្ទាប់ពីលោក សុខ អាន បានទទួលមរណភាព កាលពី ថ្ងៃទី១៥ ខែមីនា ឆ្នាំ២០១៧ ។ លោកហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានមានប្រសាសន៍ កាលពីរសៀលថ្ងៃទី២១ ខែមីនា ឲ្យដឹងថា គ.ជ.ប បានទទួលលិខិតស្នើរបស់គណបក្សប្រជាជនកម្ពុជា ជាផ្លូវការហើយ កាលពីថ្ងៃទី២១ ខែមីនា ឆ្នាំ២០១៧ ដាក់បេក្ខជនលោក ជា វ៉ាន់ដេត ជំនួសលោក សុខ អាន ដែលទទួលមរណភាព។
- - - - - - - - - - - - - - - - -
ប្រភព៖រស្មីកម្ពុជា
http://www.rasmeinews.com/local/ZDhjOGVkND/18
