លោក កឹម សុខា ថាមានកត្តា៣ ដែលនាំឲ្យ CNRP ជម្នះរាល់ឧបសគ្គ ធ្វើដំណើរទៅមុខបាន
- - - - - - - - - - - - - - - - -
ប្រធានគណបក្សសង្រ្គោះជាតិ (CNRP)លោក កឹម សុខា បានថ្លែងនៅក្នុង វគ្គផ្សព្វផ្សាយផ្ទៃក្នុង នូវគោល នយោបាយអាទិភាព សម្រាប់ការបោះឆ្នោតឃុំ-សង្កាត់ នៅខេត្តពោធិ៍សាត់នៅថ្ងៃទី២៨ មីនានេះថាមាន កត្តា៣ដែលនាំឲ្យCNRPជម្នះរាល់ឧបសគ្គធ្វើដំណើរទៅមុខបានគឺ ស្គាល់ខ្លួនឯង ជឿជាក់លើខ្លួនឯង និងជួយខ្លួនឯង។ លោក កឹម សុខា បានសរសេរក្នុងបណ្ដាញសង្គមហ្វេសប៊ុកថា"កត្ដា ៣សំខាន់ ដែលនាំឲ្យគណបក្ស សង្គ្រោះជាតិអាចជម្នះរាល់ឧបសគ្គ និងអាចធ្វើដំណើរទៅមុខតាមផ្លូវត្រូវបានគឺ៖១.ស្គាល់ខ្លួនឯង ៖ កើតមកពីការរួបរួមគ្នាតាមឆន្ទៈប្រជាពលរដ្ឋខ្មែរ ទើបយើងទទួលបានជោគជ័យមួយជំហានធំ កន្លង មក។ ២.ជឿលើខ្លួនឯង៖ ជឿលើគោលនយោបាយ គោលការណ៍ គោលជំហររបស់គណបក្សខ្លួន និង មេដឹកនាំខ្លួន ទើបយើងមានភាពរឹងមាំ មិនអាចបំបែកបំបាក់បាន។ ៣.ជួយខ្លួនឯង៖ គឺជា ការចូលរួម ការលះបង់ ការតស៊ូ តាមសម្បជញ្ញៈរបស់ខ្លួន គ្មានការបង្ខិតបង្ខំ ការទិញទឹកចិត្ត ដោយយើងតម្កល់ផលប្រយោជន៍ជាតិ និងប្រជាពលរដ្ឋខ្មែរ ធំជាងអ្វីៗទាំងអស់"។
- - - - - - - - - - - - - - - - -
ប្រភព៖ដើមអម្ពីល
