- - - - - - - - - - - - - - - - -

កាលពីព្រឹកថ្ងៃទី២៥ ខែមីនា ឆ្នាំ២០១៧ លោក យ៉ែម បុញ្ញឫទ្ធិ ធ្វើជាវាគ្មិនធ្វើបទឧទ្ទេសនាមដល់គ្រូបង្គោលក្រុង-ស្រុក-ខណ្ឌ មកពីរាជធានីភ្នំពេញ និងខេត្តកណ្ដាល ដើម្បីបណ្ដុះបណ្ដាលបន្តដល់បេក្ខជនក្រុមប្រឹក្សាឃុំ-សង្កាត់ តំណាងបក្សភូមិ តាមឃុំ-សង្កាត់ ក្នុងក្រុង-ស្រុក-ខណ្ឌ សាមីនៃខេត្តនីមួយៗ។ វគ្គបណ្តុះបណ្តាល ពង្រឹងសមត្ថភាពនេះ គឺផ្តោតទៅលើចំណុចសំខាន់ៗទាក់ទងទៅនឹងការឃោសនា និងបោះឆ្នោតជ្រើសរើសក្រុមប្រឹក្សាឃុំ-សង្កាត់ ឆ្នាំ២០១៧ ខាងមុខរួមមាន៖

ទី១.របៀបវិភាគនៃការយល់ឃើញរបស់អ្នកបោះឆ្នោត

ទី២.វីធីជំរុញលើកទឹកចិត្តអ្នកបោះឆ្នោតឱ្យទៅបោះឆ្នោតកាន់តែច្រើន

ទី៣.វិធីសាស្ត្រនៃការធ្វើយុទ្ធនាការឱ្យមានប្រសិទ្ធភាព និង

ទី៤.កំណត់ផែនការយុទ្ធនាការ និងពន្យល់ផ្សព្វផ្សាយពីគោលនយោបាយអាទិភាព ៥ចំណុច សម្រាប់ឃុំ-សង្កាត់។

សូមជម្រាបជូនថា វគ្គបណ្តុះបណ្តាល ពង្រឹងសមត្ថភាពគ្រូបង្គោលក្រុង-ស្រុក-ខណ្ឌ នេះរៀបចំឡើងដោយនាយកដ្ឋានអប់រំ និងបណ្តុះបណ្តាល វគ្គបណ្តុះបណ្តាលនេះមាន៨វគ្គ ដែលចាប់ផ្តើមពីថ្ងៃទី២៣ ដល់ថ្ងៃទី៣០ ខែមីនា ឆ្នាំ២០១៧៕

- - - - - - - - - - - - - - - - -

ប្រភពព័ត៌មាន៖https://goo.gl/NjR3T0

ថ្ងៃទី២៥ ខែមិនា ឆ្នាំ២០១៧