- - - - - - - - - - - - - - - - - 

លោកជំទាវឧបនាយករដ្ឋមន្រ្តី ម៉ែន សំអន រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានជួបសំណេះសំណាលជាមួយ លោក ឡុង ចិន្តា អាយុ ៤៤ឆ្នាំ ជាកសិករ ប្របករបរលក់ម្ទេសស្រស់ បច្ចុប្បន្នរស់នៅភូមិស្អាត ឃុំស្រែចារ ស្រុកស្នួល ខេត្តក្រចេះ ក្នុងអំឡុងពេលដែល លោកជំទាវបានធ្វើដំណើរត្រលប់មកពីខេត្តមណ្ឌលគិរី ព្រឹកថ្ងៃទី០២ ខែមេសា ឆ្នាំ២០១៧ ។ឆ្លៀតក្នុងឱកាសនោះ ដោយឃើញពីការលំបាក លោកជំទាវបានទិញយកម្ទេសរបស់គាត់ទាំអស់ចំនួន ៣០គីឡូក្រាម ដើម្បីជួយសម្រាលនូវការលំបាករបស់គាត់។ លោកជំទាវបានសួរគាត់ថា មានទៅចុះឈ្មោះបោះឆ្នោតហើយឬនៅ? គាត់បានឆ្លើយថា ខ្ញុំបានទៅចុះឈ្មោះរួចហើយ។ បើចុះរួចហើយ តើត្រូវបោះឲ្យអ្នកណាដែរ? ខ្ញុំស្រឡាញ់លោកតា ហ៊ុន សែន និងបោះឆ្នោតជូនលោកតា ហ៊ុន សែន ដែរ ។ជាចុងក្រោយខ្ញុំក៏បានណែនាំ និងឧបត្ថម្ភជាថវិកាជូនដល់គាត់សម្រាប់យកទៅទិញកែបដាក់ម៉ូតូវិញ និងជួសជុលម៉ូតូឲ្យបានត្រឹមត្រូវ តាមលក្ខណៈបច្ចេកទេសឡើងវិញ ហើយត្រូវពាក់មួកសុវត្ថិភាពជាប្រចាំក្នុងពេលបើកបរ។

- - - - - - - - - - - - - - - - - 

ប្រភព៖ហ្វេសប៊ុក https://goo.gl/7OEiYG

 ថ្ងៃទី០២ ខែមេសា ឆ្នាំ២០១៧