តុលាការសម្រេចបន្តនីតិវិធីឃុំខ្លួនមន្ត្រីសិទ្ធិមនុស្ស និងមន្ត្រី គ.ជ.ប ៦ខែទៀត
- - - - - - - - - - - - - - - - -
សាលាដំបូងរាជធានីភ្នំពេញនៅថ្ងៃទី២៧ មេសា សម្រេចបន្តនីតិវិធីឃុំខ្លួនមន្ត្រីការពារសិទ្ធមនុស្ស ៤រូប និងអគ្គលេខាធិការរងគណៈកម្មាធិការជាតិរៀបចំការបោះឆ្នោត (គ.ជ.ប) ៦ខែបន្តទៀត ករណីដែលតុលាការចោទពួកគេ ពីបទសមគំនិត និងសូកប៉ាន់សាក្សី ក្នុងសំណុំរឿងអាស្រូវស្នេហាអ្នកនាង ខុម ចាន់តារាទី ហៅស្រីមុំ។លោក អំ សំអាត មន្ត្រីជាន់ខ្ពស់អង្គការលីកាដូ (Licadho) ឲ្យដឹងថា នេះជានីតិវិធីចុងក្រោយ ដែលអាចឲ្យតុលាការលើកពេលឃុំខ្លួនជនសង្ស័យបានចំនួន ៣ដង ដែលក្នុង១ដង មានរយៈពេល៦ខែ ក្រោយពេលឃាត់ខ្លួន មុនសវនាការជំនុំជម្រះ។គិតមកត្រឹមថ្ងៃទី២៧ មេសា មន្ត្រីសមាគមអាដហុក (ADHOC) ៤រូប គឺលោក នី សុខា លោក យី សុខសាន្ត លោក ណៃ វ៉ង់ដា និងអ្នកស្រី លឹម មុន្នី រួមនឹងមន្ត្រី គ.ជ.ប លោក នី ចរិយា ត្រូវបានឃុំខ្លួនអស់រយៈពេល១ឆ្នាំគត់ហើយក្នុងថ្ងៃដដែលនេះ អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) ចេញសេចក្ដីថ្លែងការណ៍ទាមទារឲ្យរដ្ឋាភិបាលដោះលែងអ្នកជាប់ឃុំទាំង៥។
- - - - - - - - - - - - - - - - -
ប្រភព៖FRA
