បក្សកាន់អំណាចនឹងចាយច្រើនជាងបក្សប្រឆាំងលើការងារសង្កេតការបោះឆ្នោត
- - - - - - - - - -- - - - - - - - - -
បក្សប្រឆាំង គ្រោងចំណាយថវិកាប្រមាណជា ២០ម៉ឺនដុល្លារ ទៅដល់អ្នកសង្កេតការបោះឆ្នោត។ ចំណែកឯ បក្សកាន់អំណាច មិនទាន់កំណត់ឲ្យជាក់លាក់នោះទេ ថានឹងត្រូវចំណាយថវិកាប៉ុន្មាន សម្រាប់អ្នកសង្កេតការបោះឆ្នោត។ ប៉ុន្តែ បក្សកាន់អំណាច ហ៊ានអះអាងជាមុនថា ការចំណាយថវិកា សម្រាប់អ្នកសង្កេតការបោះឆ្នោត នឹងមិនឲ្យតិចជាងបក្សប្រឆាំង ឡើយ។
ក្នុងអំឡុងនៃដំណើរបំពេញបេសកកម្មរបស់ខ្លួន នៅឯសហរដ្ឋអាមេរិក អស់រយៈពេលប៉ុន្មានថ្ងៃមកនេះ លោក កឹម សុខា ប្រធានគណបក្សសង្គ្រោះជាតិ បាននិយាយច្រើន អំពីការបោះឆ្នោតថ្នាក់ឃុំ សង្កាត់ នៅប្រទេសកម្ពុជា ដែលនឹងប្រព្រឹត្តទៅនៅថ្ងៃទី៤ ខែមិថុនា ឆ្នាំ២០១៧ ខាងមុខ។ កាលពីថ្ងៃទី៣០ ខែមេសា ឆ្នាំ២០១៧ លោក កឹម សុខា បានលើកឡើងនៅចំពោះមុខប្រជាពលរដ្ឋកម្ពុជា ក្នុងសហរដ្ឋមេរិក ថា គណបក្សសង្គ្រោះជាតិ នឹងដាក់ពង្រាយអ្នកសង្កេតការបោះឆ្នោត ជាង៤ម៉ឺននាក់ នៅតាមការិយាល័យបោះឆ្នោតជាង២ម៉ឺន នៅទូទាំងប្រទេស។ បើតាម លោក កឹម សុខា ដដែល គណបក្សសង្គ្រោះជាតិ នឹងដាក់អ្នកសង្កេតការបោះឆ្នោត២នាក់ក្នុងការិយាល័យបោះឆ្នោត១។
- - - - - - - - - -- - - - - - - - - -
ប្រភព៖ថ្មីៗ
.jpg)