- - - - - - - - - - - - - - - -

ភ្នំពេញ៖ លោក George Edgar ឯកអគ្គរដ្ឋទូតសហគមន៍អឺរ៉ុប ប្រចាំកម្ពុជា (EU) បានថ្លែងថា ប្រជាពលរដ្ឋទៅបោះឆ្នោត ​ជ្រើសរើសក្រុមប្រឹក្សាឃុំ-សង្កាត់ នាពេលខាងមុខ គួរតែគ្មានការភ័យខ្លាច និងព្រួយបារម្ភនោះទេ។ ក្នុងពិធីប្រារព្ធខួប២០ឆ្នាំ នៃទំនាក់ទំនងរវាង កម្ពុជា- EU នៅព្រឹកថ្ងៃទី៥ ខែឧសភា ឆ្នាំ២០១៧លោក George Edgar បានថ្លែងតាមរយៈអ្នកបកប្រែថា ​“អ្នកដែលទៅបោះឆ្នោតទាំងអស់ គួរតែអាចមានលទ្ធភាពបោះឆ្នោត ដោយធូរចិត្ត និងបោះឆ្នោតដោយសេរី ដោយគ្មានការភ័យខ្លាច”។ លោកថា នៅក្នុងរយៈពេល ប៉ុន្មានឆ្នាំចុងក្រោយនេះ EU បានធ្វើការងារយ៉ាងជិតស្និត ជាមួយគណៈកម្មាធិការជាតិ រៀបចំការបោះឆ្នោត (គ.ជ.ប) ហើយក្នុងនោះ ស្ថានរៀបចំការបោះឆ្នោតមួយនេះ បានធ្វើការងារយ៉ាងល្អ ទាក់ទងទៅនឹងដំណើរការ នៃការចុះឈ្មោះនាពេលកន្លងមក។ ទាក់ទងទៅនឹងការពង្រាយកំលាំងកំលាំងជាង៥ម៉ឺននាក់ ក្នុងអំឡុងពេលឃោសនា និងការបោះឆ្នោត នៅថ្ងៃទី៤ ខែមិថុនា ឆ្នាំ២០១៧ ខាងមុខនោះ លោក George Edgar ថា លោកមិនបានចាប់អារម្មណ៍នោះទេ៕

- - - - - - - - - - - - - - - -

ប្រភព៖ដើមអម្ពិល