CPP និងCNRP ដង្ហែក្បួនឃោសនា លក្ខណៈទ្រង់ទ្រាយធំ សម្រាប់ការឃោសនាបោះឆ្នោត ថ្ងៃដំបូង
គណបក្សប្រជាជន និងគណបក្សសង្គ្រោះជាតិ រៀបចំក្បួនឃោសនានយោបាយជាលក្ខណៈទ្រង់ទ្រាយធំ នៅទូទាំងប្រទេស សម្រាប់ការឃោសនារកសន្លឹកឆ្នោតនៅថ្ងៃដំបូងនេះ។ គណបក្សទាំងពីរអំពាវនាវឲ្យ សកម្មជន និងអ្នកគាំទ្ររៀងៗខ្លួន ប្រកាន់យកឥរិយាបទអហិង្សា ក្នុងការឃោសនាបោះឆ្នោតនេះ។លោក សុខ ឥសាន អ្នកនាំពាក្យគណបក្សប្រជាជនកម្ពុជា បានឲ្យដឹងថា គណបក្សលោកនឹងរៀបចំអង្គមិទ្ទិញជួបជុំសមាជិក សមាជិកា និងសកម្មជន នៅតាមឃុំ-សង្កាត់នីមួយៗ ដើម្បីផ្សព្វផ្សាយពីគោលនយោបាយ និងសម្មិទ្ធផល ដែលរដ្ឋាភិបាលសម្រេចបានរយៈពេលជាង៣០ឆ្នាំកន្លងមក ។ ក្រៅពីនេះគណបក្សប្រជាជន ក៏នឹងមានការរៀបចំដង្ហែក្បួនក្នុងឃុំ-សង្កាត់ ទូទាំងប្រទេសផងដែរ ដើម្បីបំផុសស្មារតីឲ្យពលរដ្ឋគាំទ្រគណបក្ស។
ប្រភព៖ថ្មីៗ
