អ្នកនាំពាក្យក្រសួងយុត្តិធម៌ព្រមានផ្ដន្ទាទោសតាមច្បាប់លើអ្នកអនុវត្តផ្ទុយពីច្បាប់ស្តីពីការបោះឆ្នោតជ្រើសរើសក្រុមប្រឹក្សាឃុំសង្កាត់
លោក គឹម សន្តិភាព មន្រ្តីអ្នកនាំពាក្យឱ្យក្រសួងយុត្តិធម៌ បានធ្វើការព្រមានជាសាធារណៈថា នឹងចាត់វិធានការតាមផ្លូវ
ច្បាប់ទៅ លើជនទាំងឡាយណា ដែលអនុវត្តន៍ផ្ទុយពីច្បាប់ស្តីពីការបោះឆ្នោតជ្រើសរើសក្រុមប្រឹក្សាឃុំសង្កាត់ ។នៅលើទំព័រហ្វេសប៊ុករបស់លោក កាលពីទី១៩ ឧសភា ម្សិលមិញនេះបានបញ្ជាក់ថា អំពើណាមួយដែលបានអនុវត្តផ្ទុយ
ពីច្បាប់ស្តីពីការបោះឆ្នោតជ្រើសរើសក្រុមប្រឹក្សាឃុំសង្កាត់ នោះទោសប្បញ្ញត្តិដែលមានចែងក្នុងច្បាប់នេះនឹងត្រូវអនុវត្ត
ហើយអំពើនោះក៏នឹងត្រូវទទួលការផ្តន្ទាទោសតាមច្បាប់ព្រហ្មទណ្ឌបន្ថែមទៀត ប្រសិនបើអំពើនោះជាបទល្មើសដែល
មានចែងក្នុងច្បាប់ព្រហ្មទណ្ឌ។
ប្រភព៖VIM
