លោកនាយករដ្ឋមន្ត្រី ហ៊ុន សែន ៖ បើផ្ទេរអំណាច គឺផ្ទេរឲ្យកូនចៅជំនាន់ក្រោយ របស់បក្សកាន់អំណាច មិនមែនបក្សប្រឆាំងនោះទេ
លោក ហ៊ុន សែន ប្រមុខរាជរដ្ឋាភិបាលកម្ពុជា បានថ្លែងជាសាធារណថា ប្រសិនបើមានការផ្ទេរអំណាចនោះ គឺផ្ទេរទៅឲ្យ កូនចៅជំនាន់ក្រោយ របស់គណបក្សកាន់អំណាច មិនមែនគណបក្សប្រឆាំងនោះទេ ។ក្នុងពិធីសំណេះសំណាល ជាមួយគ្រីស្ទបរិស័ទនៅកម្ពុជា នាព្រឹកថ្ងៃទី២៥ ខែឧសភា ឆ្នាំ២០១៧ លោក ហ៊ុន សែន បានថ្លែងថា “អ្នកឯងថាខ្ញុំក្រាញអំណាច តែខ្ញុំបន្តអំណាចទេ ប៉ុន្តែអ្នកឯងទេដែលមក ដណ្តើមអំណាច។ គណបក្សប្រជាជន បន្តការអភិវឌ្ឍ និងសន្តិភាព។ កុំសង្ឃឹមថា បានទៅលើអ្នកឯងឲ្យសោះ ។បើគេផ្ទេរគឺផ្ទេរឲ្យ កូនទេវត្តាហើយ ហើយ គណបក្សប្រជាជន ក៏នឹងផ្ទេរទៅឲ្យមនុស្សជំនាន់ក្រោយ របស់បក្សដែរ” ។
ប្រភព៖ដើមអម្ពិល
