អាជ្ញាធររកឃើញថា អ្នកមានសិទ្ធិបោះឆ្នោត៤ម៉ឺននាក់កំពុងទុកអត្តសញ្ញាណបណ្ណនៅកន្លែងបញ្ចាំ
ខណៈការបោះឆ្នោតថ្នាក់ឃុំ-សង្កាត់ កាន់តែខិតជិតមកដល់ ប្រជាពលរដ្ឋប្រមាណជា ៤ម៉ឺនាក់ ដែលបានចុះឈ្មោះបោះឆ្នោត បានយកអត្តសញ្ញាណបណ្ណ ទៅប្រគល់ឲ្យធនាគារ និងគ្រឹះស្ថានហិរញ្ញវត្ថុនានា ដើម្បីធ្វើជាវត្ថុបញ្ចាំក្នុងការខ្ចីប្រាក់។ នេះជាការអះអាងរបស់លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប)។
លោក ហង្ស ពុទ្ធា បានឲ្យថា ក្នុងចំណោមប្រជាពលរដ្ឋប្រមាណ ៤ម៉ឺននាក់ អ្នកខ្លះបានទទួលអត្តសញ្ញាណប័ណ្ណពីធនាគារឬគ្រឹះស្ថានហិរញ្ញវត្ថុវិញហើយ។ យ៉ាងណាលោក មិនបានបញ្ជាក់ពីចំនួនប្រជាពលរដ្ឋ ដែលបានទទួលអត្តសញ្ញាណបណ្ណពីធនាគារឬគ្រឹះស្ថានហិរញ្ញវត្ថុ ឡើយ។
ប្រភព៖សារព័ត៌មានថ្មីៗ
