លោក យឹម សុវណ្ណ អំពាវនាវអ្នកគំាទ្រ គណបក្សសង្គ្រោះជាតិ ជួបជុំគ្នា នៅវត្តចាស់ជាយក្រុង
ថ្ងៃចុងក្រោយនៃយុទ្ធនាការបោះឆ្នោត ជ្រើសរើសមេឃុំ ចៅសង្កាត់ នៅថ្ងៃទី២ ខែមិថុនា ឆ្នាំ២០១៧ ស្អែកនេះ គណបក្សសង្គ្រោះជាតិ បានអំពាវនាវដល់អ្នកគំាទ្រ ជួបជុំគ្នានៅវត្តចាស់ ដើម្បីហែរក្បួនបិទយុទ្ធនាការ បោះឆ្នោតក្នុងរាជធានីភ្នំពេញ។ការអំពាវនាវរបស់បក្សប្រឆំាងនេះ បន្ទាប់ពីសាលារាជធានីភ្នំពេញ មិនអនុញ្ញាតឲ្យជួបជុំគ្នា នៅទីលានប្រជាធិបតេយ្យ ទើបគណបក្សសង្គ្រោះជាតិ បានយកវត្តចាស់ ស្ថិតក្នុងសង្កាត់ជ្រោយចង្វារ ជាកន្លែងជួបជុំគ្នាវិញ នេះបើតាមការឲ្យដឹង ពីអ្នកនំាពាក្យគណបក្សសង្គ្រោះជាតិ ។លោក យឹម សុវណ្ណ អ្នកនំាពាក្យគណបក្សសង្គ្រោះជាតិ បានសរសេរលើហ្វេសប៊ុក កាលពីរសៀលថ្ងៃទី៣១ ឧសភា ថា “គណបក្សម្ខាងទៀត (គណបក្សប្រជាជនកម្ពុជា) និយាយថា អ្នកហែរក្បួនធំគេធ្វើនៅថ្ងៃទី២ មិថុនា នៅរាជធានីភ្នំពេញ មានគ្នា ១៥០ ០០០នាក់ចូលរួម។ តើគណបក្សសង្រ្គោះជាតិយើង គួរមានអ្នកចូលរួមដង្ហែក្បួន ធំចុងក្រោយ នៅរាជធានីប៉ុន្មាននាក់ដែរ នៅថ្ងៃទី២ មិថុនា ខាងមុខនេះ? តើបងប្អូនជនរួមជាតិ ជាពិសេសប្អូនៗ យុវជន-យុវនារី បានត្រៀមលក្ខណៈហើយរឺនៅ ដើម្បីអញ្ជើញទៅចូលរួម ?យើងនឹងជួបជុំគ្នា ម៉ោង៧ព្រឹក ថ្ងៃទី២ មិថុនា នៅវត្តចាស់”។
ប្រភព៖ដើមអម្ពិល
