មេដឹកនាំCPP៖ បើសិនជាខ្លួនឈ្នះ យកឈ្នះនោះទៅចុះ!
លោក ហ៊ុន សែន បានអត្ថាធិប្បាយជុំវិញការលើកឡើងរបស់បក្សប្រឆាំង ដែលថា ខ្លួននឹងឈ្នះឆ្នោតនៅពេលខាងមុខ។ ប្រធានគណបក្សកាន់អំណាចរូបនេះ ឆ្លើយតបថា ការយកឈ្នះគណបក្សប្រជាជនកម្ពុជា មិនមែនជារឿងងាយស្រួលឡើយ។«បើសិនជាខ្លួនឈ្នះ យកឈ្នះនោះទៅ»។ នេះជាសារនយោបាយរបស់ប្រធានគណបក្សប្រជាជនកម្ពុជា ដែលទំនងជាផ្តាំទៅគណបក្សសង្គ្រោះជាតិ នៅពេលជួបជុំអ្នកគាំទ្រខ្លួន នៅផ្លូវ ៦០ ម៉ែត្រ ក្នុងសង្កាត់ចាក់អង្រែលើ មុនចេញយុទ្ធនាការឃោសនា។ យ៉ាងណាលោក ហ៊ុន សែន អះអាងថា «ការយកឈ្នះគណបក្សប្រជាជនកម្ពុជា មិនមែនជាល្បែងកូនក្មេងនោះទេ»។ ក៏ប៉ុន្តែសម្តេច ហ៊ុន សែន ប្រាប់បក្សប្រឆាំងជាថ្មីម្តងទៀតយ៉ាងនេះថា៖« បើចាញ់សូមកុំឡាំប៉ា សូមកុំចោទថា មនុស្សចុះឈ្មោះ និងបោះឆ្នោតតិច។ ច្បាប់ថ្មី អាចប្តឹងរំលាយគណបក្សបាន»៕
ប្រភព៖ថ្មីៗ
