លោក យឹម សុវណ្ណ៖ សមិទ្ធផលបច្ចុប្បន្ន ចេញពីការបង់ពន្ធរបស់រាស្ត្រ មិនមែនរបស់បក្សណាមួយ
អ្នកគាំទ្រគណបក្សសង្គ្រោះជាតិ កំពុងតែជួបជុំគ្នា នៅបរិវេណវត្តចាស់ ក្នុងសង្កាត់ជ្រោយចង្វារ ដើម្បីត្រៀមហែក្បួនឃោសនាធំនៅរសៀលនេះ។ អ្នកនាំពាក្យគណបក្សសង្គ្រោះជាតិ លោក យឹម សុវណ្ណ បានថ្លែងទៅកាន់អ្នកគាំទ្រ ដោយរិះគន់គណបក្សកាន់អំណាចថា យកសមិទ្ធផលបច្ចុប្បន្នដែលកើតចេញពីការបង់ពន្ធរបស់ពលរដ្ឋ ជារបស់ខ្លួនតែម្នាក់។លោក យឹម សុវណ្ណ លើកឡើងថា សមិទ្ធផលបច្ចប្បន្ន កើតចេញពីការខំប្រឹងបង់ពន្ធរបស់ប្រជារាស្ត្រខ្មែរ។ អ្នកនាំពាក្យគណបក្សសង្គ្រោះជាតិរូបនេះ បញ្ជាក់យ៉ាងនេះថា៖« បក្សមួយគេថា សមិទ្ធផលទាំងអស់នោះ ជារបស់គេទាំងអស់។ ចុះលុយរបស់ពលរដ្ឋមួយឆ្នាំៗរាប់ពាន់លានយកទៅណា? រួចចាយអស់អី....? សមិទ្ធផលឯងសោះ ឯងខំចង់ងាប់ បង់ពន្ធ ធ្វើការងារទាំងយប់ទាំងថ្ងៃ។ រួចមករកស៊ីថា ជារបស់ឯងម្នាក់ឯង»។
ប្រភព៖ថ្មីៗ
