បេក្ខជនចៅសង្កាត់ផ្សារកណ្តាល នៅប៉ោយប៉ែត ថាខ្លួនជាខ្មែរ មិនមែនវៀតណាមទេ
អ្នកស្រី ឃុន ចន្ទី ដែលមានប្រជាប្រិយភាពតែក្នុងសង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ប៉ុណ្ណោះ ហើយបើយោងតាមលទ្ធផលក្រៅផ្លូវការ បេក្ខជនមកពីគណបក្សសង្គ្រោះជាតិរូបនេះ ទទួលសំឡេងគាំទ្រលើសគេសម្រាប់តំណែងចៅសង្កាត់អណត្តិទី៤ ។ ក្រោយការបោះឆ្នោត ឈ្មោះអ្នកស្រីកាន់តែល្បី ដោយសារតែមានការលើកឡើងថា អ្នកស្រីមានដើមកំណើតវៀតណាម ប៉ុន្តែសាម៉ីខ្លួនបានបដិសេធ។ក្រោយរងការរិះគន់ពីសំណាក់អ្នកប្រើប្រាស់បណ្តាញហ្វេសប៊ុក បេក្ខជនចៅសង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ បានបកស្រាយថា អ្នកស្រីរស់នៅលើទឹកដីកម្ពុជាជាង៤០ឆ្នាំ ហើយក៏មិនមានសាច់ញាតិជនជាតិវៀតណាមដែរ។ ថ្លែងប្រាប់សារព័ត៌មានថ្មីៗតាមទូរស័ព្ទ អ្នកស្រី ឃុន ចន្ទី បានបញ្ជាក់ដូច្នេះថា៖«ខ្ញុំធ្លាប់ត្រូវបានគេយកឈ្មោះខ្ញុំមកវាយប្រហារម្ដងជាពីរដងហើយថា ជាជនជាតិវៀតណាម ជនជាតិយួន។
ប្រភព៖សារព័ត៌មានថ្មីៗ
