អ្នកគាំទ្រ CNRP ម្នាក់ត្រូវបានចាប់ខ្លួនរឿងចុះហត្ថលេខាជំនួសមេភូមិ
បុរសអ្នកគាំទ្រគណបក្សសង្គ្រោះជាតិម្នាក់ក្នុងភូមិអន្លង់ល្វា ឃុំតាមឹម ស្រុកសង្កែ ខេត្តបាត់ដំបងត្រូវបានឃាត់ខ្លួនបញ្ជូនទៅតុលាការកាលពីម្សិលមិញពាក់ព័ន្ធនឹងករណីចុះហត្ថលេខាលើឯកសារខុសច្បាប់ជំនួសមេភូមិដែលមិននៅផ្ទះដោយសារមានការពឹងពីអ្នកភូមិ។លោក ទុយ ចាន់ អាយុ ៧០ ឆ្នាំរស់នៅក្នុងឃុំវត្តតាមឹមជាឃុំមួយក្នុងចំណោមឃុំជាច្រើននៅក្នុងខេត្តបាត់ដំបងដែលគណបក្សសង្គ្រោះជាតិឈ្នះសំឡេងគណបក្សប្រជាជនកម្ពុជានៅក្នុងការបោះឆ្នោតឃុំសង្កាត់កាលពីថ្ងៃទី ៤ មិថុនាឆ្នាំ ២០១៧។លោក ទុយ ម៉ៅ ជាកូនប្រុសរបស់លោក ចាន់ បានថ្លែងតាមទូរស័ព្ទកាលពីម្សិលមិញថា៖ «នៅវេលាម៉ោង ៩ ព្រឹក នគរបាលឃុំបានមក និងបាននាំខ្លួនគាត់ទៅប៉ុស្តិ៍...ប៉ុន្តែឥឡូវនេះគាត់នៅតុលាការ»។
ប្រភព៖ភ្នំពេញប៉ុស្ដិ៍
