សហជីពរីករាយ ចំពោះការដោះលែង មន្រ្តីសិទ្ធមនុស្ស និងមន្រ្តីគ.ជ.ប
លោក ប៉ាវ ស៊ីណា ប្រធានសហជីព សេរីកម្មករ នៅថ្ងៃទី៣០ ខែ មិថុនានេះ បានសម្ដែងសេចក្ដី សប្បាយរីករាយដែលចៅក្រមសម្រេច ដោះលែងមន្រ្តីអង្គការសិទ្ធមនុស្សអាដហុក៤រូប និងអគ្គលេខាធិការង គណៈកម្មាធិការជាតិរៀបចំការបោះឆ្នោត(គ.ជ.ប) លោក នី ចរិយា ។សូមបញ្ជាក់ថាលោក ធាម ច័ន្ទពិសិដ្ឋ ចៅក្រមស៊ើបសួរសាលាដំបូងរាជធានីភ្នំពេញ នៅថ្ងៃទី២៩ ខែ មិថុនា ឆ្នាំ២០១៧នេះបានចេញដីកា៥ច្បាប់ដាច់ដោយឡែកពីគ្នា បង្គាប់ឲ្យដោះលែងមន្រ្តីអង្គការ សិទ្ធមនុស្សអាដហុក៤រូប និងអគ្គលេខាធិការងគណៈកម្មាធិការជាតិរៀបចំការបោះឆ្នោត(គ.ជ.ប) លោក នី ចរិយា។លោក ប៉ាវ ស៊ីណា បានសរសេរក្នុងបណ្ដាញ ទំនាក់ទំនងសង្គមហ្វេសប៊ុកថា "គ្មានពាក្យអ្វីនិយាយទេ ក្រៅពី ពាក្យថា " រីករាយ " ទោះត្រឹមតែ ដោះលែងអោយនៅក្រៅឃុំ បណ្តោះអាសន្ន ក៏ដោយ តែពួកគាត់អាចជួប ជុំក្រុមគ្រួសារ និងមានពេលវេលាដើម្បីបំពេញការងារផ្សេងៗ ។ល។
ប្រភព៖សារព័ត៌មានដើមអម្ពិល
