គ.ជ.ប បានដាក់លិខិតទៅតុលាការ ដើម្បីបើកផ្លូវឲ្យលោក នីចរិយាបំរើការវិញ
អ្នកនំាពាក្យគណៈកម្មាធិកាជាតិ រៀបចំការបោះឆ្នោត (គ.ជ.ប)លោក ហង្ស ពុទ្ធា បានឲ្យដឹងថា គ.ជ.ប បានដាក់លិខិតមួយ ទៅស្ថាប័នតុលាការ រួចហើយ ដើម្បីសម្រេចលើករណីលោក នី ចរិយា អគ្គលេខាធិការរង គ.ជ.ប ក្នុងការចូលធ្វើការវិញ ។ លោក ហង្ស ពុទ្ធា បានឲ្យដឹងនៅថ្ងៃទី៣០ មិថុនាថា “គ.ជ.ប បានសសេរលិខិត ទៅតុលាការហើយ ប៉ុន្តែមិនទាន់ដឹងថា សម្រេចយ៉ាងណាវិញនោះទេ។ យើងកំពុងរងចាំមើល ឯកសារតបវិញ ពីតុលាការបាន គ.ជ.ប រៀបចំការប្រជុំសម្រេច យ៉ាងណានោះ” ។អ្នកនំាពាក្យបានអះអាងថា លិខិតដែល គ.ជ.ប ដាក់ទៅ តុលាការនោះ មិនមានការពិបាកនោះទេ ក្នុងការឆ្លើយតប ដែលចំលើយអាច នៅក្នុងថ្ងៃនេះវិញ ព្រោះលិខិតមានលក្ខណៈទូទៅ ។
ប្រភព៖សារព័ត៌មានដើមអម្ពិល
