ក្រុមមន្ត្រីបាននិយាយកាលពីម្សិលមិញថា ក្រុមក្រសួងមហាផ្ទៃបានបញ្ចប់របាយការណ៍បឋមស្តីពីសកម្មភាពក្រុមឃ្លាំមើលការបោះឆ្នោត ដែលហៅថា បន្ទប់ស្ថានការណ៍ហើយឥឡូវនេះនឹងត្រូវពិនិត្យមើលដោយរដ្ឋមន្ត្រី ស ខេង។

ដោយធ្វើតាមបទបញ្ជារបស់លោកនាយករដ្ឋមន្ត្រី ហ៊ុន សែន កាលពីថ្ងៃពុធឲ្យសើុបអង្កេតភាពស្របច្បាប់របស់សម្ព័ន្ធអង្គការមិនមែនរដ្ឋាភិបាលនេះ ដែលលោកចោទថា បានរំលោភច្បាប់ស្តីពីការចុះបញ្ជីអង្គការមិនមែនរដ្ឋាភិបាល និងបង្កឲ្យមាន       ” បដិវត្តន៍ពណ៌” នោះ លោក ស ខេង បាន មានប្រសាសន៍ថា ក្រុមអ្នកជំនាញក្រសួងបានប្រជុំកាលពីថ្ងៃព្រហស្បតិ៍ និងថ្ងៃសុក្រ ដើម្បីវាយយតម្លៃបញ្ហានេះ។

លោកបានមានប្រសាសន៍បន្ទាប់ពីចេញពីប្រជុំកាលពីថ្ងៃសុក្រថា “យើងកំពុងឱ្យអ្នកជំនាញមើលទិដ្ឋភាពច្បាប់ទាំងអស់ថា តើសកម្មភាពនោះ វាខុសច្បាប់ ឬស្របច្បាប់យ៉ាង ម៉េច ហើយទើបយើងសម្រេចថា ត្រូវធ្វើយ៉ាងម៉េច”។

ប្រភព៖ខេមបូឌា ដេលី

http://www.cambodiadailykhmer.com/38039