តុលាការកំពូល ប្រកាសសាលដីកាលោក គឹម សុខ ទាំង២សំណុំរឿងនៅថ្ងៃពុធនេះ
តុលាការកំពូល នឹងប្រកាសសាលដីកា២ផ្សេងគ្នា លើសំណុំរឿង លោក គឹម សុខ នៅព្រឹកថ្ងៃពុធ ទី ៥ ខែកក្កដានេះ។ សាលដីកាទាំង២ គឺការសុំឲ្យលោក គឹម សុខ រស់នៅក្រៅពន្ធនាគារបណ្តោះអាសន្ន និងការសុំឲ្យកោះហៅដើមបណ្តឹង ចូលតទល់ជាមួយចុងចោទ នៅក្នុងតុលាការ។កាលពីពេលកន្លងទៅ តុលាការកំពូល បានបើកសវនាការលើបណ្តឹងសារទុក្ខចំនួន២ របស់លោក គឹម សុខ អ្នកវិភា គនយោបាយ ដែលកំពុងជាប់ឃុំ ដោយសារតែបណ្តឹងរបស់សម្តេច ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា។
តាមការកំណត់ នៅព្រឹកថ្ងៃពុធ ទី៥ ខែកក្កដានេះ តុលាការកំពូល នឹងប្រកាសសាលដីកា លើបណ្តឹងសារទុក្ខទាំង២ របស់លោក គឹម សុខ។
ប្រភព៖សារព័ត៌មានថ្មីៗ
