អចិន្ត្រៃយ៍សភា នឹងប្រជុំពីច្បាប់ មិនឲ្យអ្នកទោសធ្វើសកម្មភាពជាមួយបក្សនយោបាយ
តំណាងរាស្ត្រពីគណបក្សប្រជាជនកម្ពុជា បានពិភាក្សាគ្នារួចហើយ អំពីសំណើសុំឲ្យបន្ថែមខ្លឹមសារថ្មី ចូលទៅក្នុងច្បាប់ ស្តីពីគណបក្សនយោបាយ។ សំណើរនេះ បានទៅដល់រដ្ឋសភាហើយ។លោកឡេង ប៉េងឡុង អគ្គលេខាធិការនិងជាអ្នកនាំពាក្យរដ្ឋសភា បានប្រាប់សារព័ត៌មានថ្មីៗថា នៅព្រឹកថ្ងៃទី៦ ខែកក្កដា ឆ្នាំ២0១៧ គណៈអចិន្ត្រៃយ៍រដ្ឋសភា នឹងបើកកិច្ចប្រជុំលើសំណើរសុំធ្វើវិសោធនកម្មលើច្បាប់ស្តីពី គណបក្សនយោបាយ។
លោក ឡេង ប៉េងឡុង បញ្ជាក់ថា លោក បានទទួលសំណើរសុំធ្វើវិសោធកម្មនេះ ពីតំណាងរាស្ត្រនៃគណបក្សប្រជាជនកម្ពុជា នៅម៉ោង ៩ព្រឹក នាថ្ងៃទី៥ ខែកក្កដា ឆ្នាំ២0១៧។ លោក បន្តថា សំណើរសុំធ្វើវិសោធនកម្មខាងលើ មានហត្ថលេខារបស់តំណាងរាស្ត្រពីគណបក្សប្រជាជនកម្ពុជាចំនួន៤១រូប។
.jpg)