គ.ជ.ប ប្តូរអគារថ្មី ដែលមានតម្លៃជាង ១២លានដុល្លារ
ភ្នំពេញ៖ គណៈកម្មាធិការជាតិរៀបចំការបោះឆ្នោត ដែលបច្ចុប្បន្នស្ថិតក្នុងបរិវេណនៃក្រសួងមហាផ្ទៃ តាំងពីឆ្នាំ១៩៩៨មក នឹងត្រូវផ្លាស់ប្តូរទៅកន្លែងថ្មី។ អគារថ្មីរបស់គ.ជ.ប ស្ថិតនៅពីមុខវិមានរដ្ឋសភានិងពុទ្ធសាសនបណ្ឌិត្យ ក្នុងសង្កាត់ទន្លេបាសាក់ ខណ្ឌចម្ការមន រាជធានីភ្នំពេញ។លោក ខន កែវមនោ ប្រធាននាយកដ្ឋានព័ត៌មាននៃគ.ជ.ប បានប្រាប់សារព័ត៌មានថ្មីៗថា អាគារថ្មីនេះ មានកម្ពស់១៥ជាន់ ដោយចំណាយទឹកប្រាក់ជាង១២លានដុល្លារ ក្នុងការសាងសង់។ លោក និយាយដូច្នេះថា៖«អគារថ្មីហ្នឹង មានបន្ទប់សម្រាប់ធ្វើការ ធ្វើសន្និសីទ ឬប្រជុំផ្សេងៗ ធំជាងមុន។ វា ងាយស្រួលសម្រាប់យើង បំពេញការងារ»។
បើតាមលោក ខន កែវមនោ នៅរសៀលថ្ងៃទី៧ ខែកក្កដា ឆ្នាំ២0១៧នេះ គ.ជ.ប នឹងរៀបចំពិធីសូត្រមន្ត ឡើងអគារថ្មី។
ប្រភព៖ប្រភព៖សារព័ត៌មានថ្មីៗ
