អ្នកនាំពាក្យ៖ ការបង្កើតក្រុមស៊ើបអង្កេតលើករណីលោក កែម ឡី អាចធ្វើបាន លុះត្រាមានដីកាពីតុលាការ
សង្គមស៊ីវិល ស្នើឲ្យក្រសួងមហាផ្ទៃ បង្កើតក្រុមការងារស៊ើបអង្កេតឯករាជ្យមួយ ជុំវិញឃាតកម្មលើលោកបណ្ឌិត កែម ឡី។ ជាការឆ្លើយតបក្រសួងមហាផ្ទៃ លើកឡើងថា ការបង្កើតក្រុមស៊ើបស៊ើបអង្កេតអាចធ្វើទៅបាន លុះត្រាមានដីកាស្នើសុំពីតុលាការ។លោក ខៀវ សុភ័គ អ្នកនាំពាក្យក្រសួងមហាផ្ទៃ បាននិយាយថា សំណើរបស់ក្រុមអង្គការសង្គមស៊ីវិល ដែលស្នើឲ្យបន្តការស៊ើបអង្កេតលើករណីលោក កែម ឡី នេះ វាជារឿងត្រឹមត្រូវ។ ប៉ុន្តែករណីនេះវាមិនស្ថិតនៅក្នុងដែនសមត្ថកិច្ចរបស់ក្រសួងមហាផ្ទៃទៀតឡើយ។ លោក ខៀវ សុភ័គ បន្ថែមថា ករណីឃាតកម្មលើលោក កែម ឡី នេះ គឺមានតែតុលាការទេ ដែលអាចមានសិទ្ធិស្នើសុំស៊ើបអង្កេត។ ហើយក្រសួងមហាផ្ទៃរង់ចាំតែអនុវត្តលើករណីនេះប៉ុណ្ណោះ។
ប្រភព៖សារព័ត៌មានថ្មីៗ
