លោក ហ៊ុន សែន នឹងធ្វើជាអធិបតីក្នុងពិធីសាទរតំបន់ប្រាសាទសំបូរព្រៃគុក
លោក ហ៊ុន សែន នាយករដ្ឋមន្ត្រីកម្ពុជា នឹងធ្វើជាអធិបតីក្នុងពិធីអបអរសាទរនៃការដាក់តំបន់ប្រាសាទសំបូរព្រៃគុក ចូលទៅក្នុងបញ្ជីបេតិកភណ្ឌពិភពលោកនៃអង្គការយូណេស្កូ (UNESCO) កាលពីថ្ងៃទី៨ ខែកក្កដា ឆ្នាំ២0១៧។ នេះបើតាមលោក មាន ចាន់យ៉ាដា អភិបាលរងរាជធានីភ្នំពេញ ដែលបានសរសេរនៅលើគណនីហ្វេសប៊ុករបស់លោក។បើតាមសំណេររបស់លោក មាន ចាន់យ៉ាដា ដែលបង្ហោះលើគណនីហ្វេសប៊ុក សាលារាជធានីភ្នំពេញ ទទួលបន្ទុកក្នុងការរៀបចំពិធីនេះ ដែលនឹងប្រព្រឹត្តទៅនៅពហុកីឡាដ្ឋានជាតិអូឡាំពិក នៅថ្ងៃទី១៧ ខែកក្កដា ឆ្នាំ២0១៧។ លោក បានសរសេរដូច្នេះថា៖«ដើម្បីអបអរសាទរ តំបន់ប្រាសាទសំបូរព្រៃគុក ដែលត្រូវបានចុះក្នុងបញ្ជីបេតិកភណ្ឌពិភពលោក […..] រដ្ឋបាលរាជធានីភ្នំពេញ មានភារកិច្ចក្នុងការរៀបចំពិធីអបអរសាទរ ក្រោមអធិបតីភាពដ៏ខ្ពង់ខ្ពស់របស់លោក ហ៊ុន សែន នាយករដ្ឋមន្ដ្រីកម្ពុជា និងសម្ដេចកិត្ដិព្រឹទ្ធបណ្ឌិត»។
ប្រភព៖សារព័ត៌មានថ្មីៗ
