CNRP សំណូមពរឲ្យ គ.ជ.ប ស្នើជាថវិកា ដើម្បីបង្កើត ការិយាល័យបោះឆ្នោត តាមព្រំដែននិង នៅតាមប្រទេស មួយចំនួន
មន្រ្តីជាន់ខ្ពស់ នៃគណបក្សសង្រ្គាះជាតិ (CNRP) លោក ស៊ុន ឆៃ បានលើកជាសូមណូមពរ ឲ្យ គណៈកម្មាធិការជាតិ រៀបចំការបោះឆ្នោត (គ.ជ.ប) ស្នើជាកញ្ចប់ថវិកាទៅរាជរដ្ឋាភិបាល ដើម្បីបង្កើត ការិយាល័យបោះឆ្នោត និងការិយាល័យ ចុះឈ្មោះបោះឆ្នោត នៅតាមបណ្តោយព្រំដែន ឬតាមប្រទេសមួយចំនួន ដែលមានប្រជាពលរដ្ឋខ្មែររស់នៅប្រទេសនោះច្រើន។លោក សុន ឆៃ បានថ្លែងក្នុងកិច្ចពិភាក្សា តុមូលស្ដីពីអនុសាសន៍ សម្រាប់ធ្វើបច្ចុប្បន្នភាព បញ្ជីបោះឆ្នោត និង ការចុះឈ្មោះបោះឆ្នោត ឆ្នាំ២០១៧ នៅថ្ងៃទី១៩ ខែកក្កដា ឆ្នាំ២០១៧ថា “គួរបង្កើតតាមប្រទេសមួយចំនួន ដែលមានប្រជាពលរដ្ឋច្រើនដូចជានៅថៃ នៅម៉ាឡេស៊ី កូរ៉េខាងត្បូង ជាដើមនោះ។ តើចំណាយអស់ប៉ុន្មាន? ដើម្បីឲ្យមានការរកនូវមធ្យោបាយ តើរដ្ឋជួយប៉ុន្មាន អង្គការអន្តរជាតិ បានចូលរួមមកដល់សព្វថ្ងៃនេះ គេអាចជួយបំពេញបាន”។
ប្រភព៖ប្រភព៖សារព័ត៌មានដើមអម្ពិល
