កម្ពុជា-វៀតណាម ចុះកិច្ចព្រមព្រៀង៥ចំណុច
ក្នុងដំណើរទស្សនកិច្ច ផ្លូវរដ្ឋរបស់លោក ង្វៀន ហ្វុជុង (Nguyen Phu Trong) អគ្គលេខាធិការគណៈកម្មាធិការ បក្សកុម្មុយនីស្តវៀតណាម នៅកម្ពុជារយៈពេល៣ថ្ងៃចាប់ពីថ្ងៃ២០-២២ ខែកក្កដា ឆ្នាំ២០១៧ ភាគីទាំងពីរបានចុះហត្ថលេខាលើកិច្ចព្រមព្រៀងជាមួយគ្នា៥ចំណុច ក្រោមអធិបតីភាពលោកហ៊ុន សែន នាយករដ្ឋមន្រ្តីកម្ពុជា និងលោក ង្វៀន ហ្វុជុង នាវិមានសន្តិភាព។
អគ្គលេខាធិការបក្សកុំម្មុយនីស្តវៀតណាម បានចាប់ផ្តើមបំពេញទស្សនកិច្ច នៅព្រឹកថ្ងៃ២០ កក្កដានេះ ចំឱកាសនៃខួបទំនាក់ទំនងរវាងប្រទេសទាំងពីរលើកទី៥០ ហើយមុនចាប់ផ្តើមជួបថ្នាក់ដឹកនាំកម្ពុជា លោកបានអញ្ជើញដាក់កម្រងផ្កាគោរពវិញ្ញាណក្ខន្ធព្រះបរមរតនកោដ្ឋ នៅវិមានឯករាជ្យ អមដំណើរដោយលោកឧបនាយករដ្ឋមន្រ្តី ទៀ បាញ់ រដ្ឋមន្តី្ររដ្ឋមន្រ្តីក្រសួងការពារជាតិ និងលោកស្រីឧបនាយករដ្ឋមន្រ្តី ម៉ែន សំអន រដ្ឋមន្រ្តីក្រសួងទំនាក់ទំនងរដ្ឋសភា ព្រឹទ្ធសភា និងអធិការកិច្ច។
ប្រភព៖សារណព័ត៌មានដើមអម្ពិល
