វៀតណាម ជួយ ២៥ លានដុល្លារ ដើម្បីសង់អគាររដ្ឋបាលក្នុងរដ្ឋសភាកម្ពុជា
ប្រទេសវៀតណាម បានផ្តល់ជំនួយ ២៥ លានដុល្លារ ដល់ប្រទេសកម្ពុជា ដើម្បីចំណាយលើការសាងសង់អគាររដ្ឋបាល នៅក្នុងរដ្ឋសភា។ ការផ្តល់ជំនួយនេះ ធ្វើឡើងក្នុងជំនួបរវាងសម្តេច ហេង សំរិន ប្រធានរដ្ឋសភាកម្ពុជា និងលោក ង្វៀន ភូជុង អគ្គលេខាធិការបក្សកុម្មុយនីស្តវៀតណាម នៅរសៀលថ្ងៃទី២0 ខែកក្កដា ២0១៧។
កាលពីថ្ងៃទី ២០ ខែកក្កដា លោក ង្វៀន ភូជុង រួមទាំងគណៈប្រតិភូវៀតណាម បានដល់ប្រទេសកម្ពុជា ដើម្បីបំពេញទស្សនកិច្ចផ្លូវការ តាមការអញ្ជើញរបស់ព្រះបាទ នរោត្តម សីហមុនី ព្រះមហាក្សត្រកម្ពុជា។ ការធ្វើទស្សនកិច្ចរបស់លោក ង្វៀន ភូជុង នៅកម្ពុជា មានរយៈពេល៣ថ្ងៃ គឺចាប់ពីថ្ងៃទី២0 ដល់២២ ខែកក្កដា ឆ្នាំ២0១៧៕
ប្រភព៖សារព័ត៌មានថ្មីៗ
