CNRP សុំព្រះរាជអន្តរាគមន៍ ជុំវិញការកែប្រែច្បាប់ស្តីពីគណបក្សនយោបាយ
ក្រុមតំណាងរាស្ត្រនៃគណបក្សសង្គ្រោះជាតិ បានថ្វាយលិខិតទៅព្រះមហាក្សត្រ នៅថ្ងៃទី២0 ខែកក្កដា ឆ្នាំ២0១៧នេះ ដើម្បីសុំឲ្យព្រះអង្គ ជួយអន្តរាគមន៍លើច្បាប់ស្តីពីគណបក្សនយោបាយ ដែលទើបនឹងត្រូវបានធ្វើវិសោធនកម្ម ដោយតំណាងរាស្ត្រនៃគណបក្សប្រជាជនកម្ពុជា កាលពីពេលថ្មីៗនេះ។ នេះបើតាមលោក យឹម សុវណ្ណ អ្នកនាំពាក្យគណបក្សសង្គ្រោះជាតិ។លោក យឹម សុវណ្ណ បានឲ្យដឹងថា ក្រុមតំណាងរាស្ត្រគណបក្សសង្គ្រោះជាតិ បាននាំគ្នាចុះហត្ថលេខាលើលិខិតនោះរួចហើយ និងបញ្ជូនទៅកាន់ខុទ្ទកាល័យព្រះមហាក្សត្រ នៅរសៀលថ្ងៃព្រហស្បតិ៍នេះ។ ប៉ុន្តែ លោក យឹម សុវណ្ណ មិនទាន់ដឹងច្បាស់នោះទេថា ពេលនេះ លិខិតសុំព្រះរាជអន្តរាគមន៍ បានទៅដល់ខុទ្ទកាល័យព្រះមហាក្សត្រហើយឬនៅ។
ប្រភព៖សារព័ត៌មានថ្មីៗ
