CPP៖ អង្គការសង្គមស៊ីវិល ចង់បង្កើតបន្ទប់ស្ថានការណ៍ ត្រូវបំពេញបែបបទ តម្កល់នៅក្រសួងមហាផ្ទៃ
លោក សុខ ឥសាន អ្នកនាំពាក្យ គណបក្សប្រជាជនកម្ពុជា (CPP) បានអះអាងថា បើអង្គការសង្គមស៊ីវិល ចង់បង្កើតបន្ទប់ស្ថានការណ៍ ដើម្បីតាមដាន ទៅលើព្រឹត្តិការណ៍អ្វីមួយ ជាពិសេសលើដំណើរការបោះឆ្នោត ត្រូវតែបំពេញបែបបទតម្កល់ នៅក្រសួងមហាផ្ទៃ ទើបហៅថាគោរពតាមច្បាប់ ដែលមានចែងជាធរមាន។
លោក សុខ ឥសាន បានឲ្យដឹងនៅថ្ងៃទី២៥ ខែកក្កដា ឆ្នាំ២០១៧ថា ចាប់តាំងពីច្បាប់ស្តីពីសមាគម និងអង្គការមិនមែនរដ្ឋាភិបាល ប្រកាសឲ្យប្រើប្រាស់ជាធរមាន ឃើញបណ្តាសមាគម និងអង្គការក្រៅរដ្ឋាភិបាល ភាគច្រើនលើសលប់ ក្នុងចំណាមសមាគម និងអង្គការក្រៅរដ្ឋាភិបាលសរុបជាង ៥០០០ អង្គភាព បានដំណើរល្អស្របតាមគោលការណ៍ច្បាប់។
ប្រភព៖សារព័ត៌មានដើមអម្ពិល
