បក្សប្រឆាំងសម្រេចដករូបលោក សម រង្ស៊ី និង លោក កឹម សុខា
គណបក្សសង្គ្រោះជាតិ សម្រេចដករូបចាប់ដៃគ្នារវាងលោក កឹម សុខា និងលោក សម រង្ស៊ី ចេញពីស្លាកគណបក្ស ដោយថា ដើម្បីគេចចេញពីការចោទប្រកាន់ នៅពេលដែលច្បាប់ស្តីពីគណបក្សនយោបាយថ្មី នឹងប្រកាសឲ្យប្រើប្រាស់ជាផ្លូវការ។នៅពេលថ្មីនេះ សមាជិករដ្ឋសភា និងព្រឹទ្ធិសភា ដែលមកពីគណបក្សប្រជាជន បានអនុម័តយល់ព្រមទៅលើច្បាប់ស្តីពីបក្សនយោបាយដែលលោក ហ៊ុន សែន បានស្នើឲ្យធ្វើវិសោធនកម្មជាលើកទីពីរ។អនុប្រធានគណបក្សសង្គ្រោះជាតិ លោក អេង ឆៃអ៊ាង ប្រាប់អ្នកសារព័ត៌មាន បន្ទាប់ពីកិច្ចប្រជុំសមាជិកនៅរសៀលថ្ងៃទី២៥ខែកក្កដាឆ្នាំ២០១៧ នេះថា គណបក្សបានសម្រេចដករូបចាប់ដៃគ្នារវាង លោក កឹម សុខា និង លោក សម រង្ស៊ី ដោយជំនួសមកវិញដោយពាក្យស្លោកថា «រួមគ្នាសង្គ្រោះជាតិយើង» វិញ ឲ្យបានត្រឹមថ្ងៃទី៣០ខែកញ្ញាខាងមុខ ដោយឡែក រូបសញ្ញាព្រះអាទិត្យ គឺគណបក្សទុកនៅដដែល។
ប្រភព៖VOD
