CNRP នឹងរៃអង្គាសថវិកាប្រមាណកន្លះលានដុល្លារសម្រាប់ការប្តូរស្លាកទូទាំងប្រទេស
គណបក្សសង្គ្រោះជាតិ ត្រូវចំណាយថវិកាប្រហែលជា កន្លះលានដុលា្លរឯណោះ ដើម្បីផ្លាស់ប្តូរស្លាកគណបក្សថ្មី នៅទូទាំងប្រទេស។ នេះជាការអះអាងរបស់លោក យឹម សុវណ្ណ អ្នកនាំពាក្យគណបក្សសង្គ្រោះជាតិ។ លោក យឹម សុវណ្ណ បានឲ្យដឹងថា ក្នុងពេលឆាប់ៗនេះ គណបក្សសង្គ្រោះជាតិ នឹងចេញសេចក្តីអំពាវនាវ ទៅកាន់អ្នកគាំទ្រទាំងក្នុងនិងក្រៅប្រទេស ដើម្បីសុំជំនួយផ្នែកថវិកា យកទៅធ្វើស្លាក ឬក៏ហៅថាផ្ទាំងផ្សព្វផ្វាយថ្មីរបស់គណបក្ស។ បើតាមលោក យឹម សុវណ្ណ គណបក្សសង្គ្រោះជាតិ បានប៉ាន់ស្មានរួចហើយថា ការផ្លាស់ប្តូរស្លាកគណបក្សនៅទូទាំងប្រទេស គឺត្រូវចំណាយថវិកាប្រហែលជាកន្លះដុល្លារ។ លោក សង្កត់ធ្ងន់ថា មិនមែនត្រឹមតែអ្នកគាំទ្រនោះទេ សូម្បីសកម្មជន មន្ត្រីជាន់ខ្ពស់ ឥស្សរជននយោបាយ និងថ្នាក់ដឹកនាំទាំងអស់ក្នុងគណបក្សសង្គ្រោះជាតិ ក៏ត្រូវតែចូលរួមជាថវិកាដែរ ដើម្បីដោះស្រាយបញ្ហានេះ។
ប្រភព៖សារព័ត៌មានថ្មីៗ
