មន្ដ្រីជាន់ខ្ពស់ក្រសួងមហាផ្ទៃ អះអាងថា ឆ្នាំនេះ EU នឹងផ្ដល់ថវិកាបន្ថែម២លានដុល្លារ សម្រាប់មូលនិធិអភិវឌ្ឍនៅថ្នាក់ក្រោមជាតិ
លោក ង៉ាន់ ចំរើន អនុរដ្ឋលេខាធិការក្រសួងមហាផ្ទៃ និងជាអនុប្រធានប្រតិបត្តិលេខាធិការដ្ឋាន គណៈកម្មាធិការជាតិ សម្រាប់ការអភិវឌ្ឍ នៅថ្នាក់ក្រោមជាតិ តាមបែបលទ្ធប្រជាធិបតេយ្យ (គ.ជ.អ.ប) នៅថ្ងៃទី៣១ ខែកក្កដា ឆ្នាំ២០១៧នេះ បានអះអាងថា សហភាពអឺរ៉ុប ហៅកាត់ថា EU នឹងផ្ដល់ថវិកាបន្ថែមប្រមាណ២លានដុល្លារ សម្រាប់មូលនិធិអភិវឌ្ឍនៅថ្នាក់ក្រោមជាតិ ទៅឲ្យក្រុង-ស្រុក នៅក្នុងឆ្នាំ២០១៧នេះ។ការអះអាងបែបនេះ បានធ្វើឡើងក្នុងឱកាសដែល លោក ង៉ាន់ ចំរើន អនុរដ្ឋលេខាធិការក្រសួងមហាផ្ទៃ អញ្ជើញបើកវគ្គសិក្ខាសាលាស្ដីអំពី «ការពិនិត្យ និងពិគ្រោះយោបល់ អំពីស្ថានភាពនៃការអនុវត្តការងារ នៅរដ្ឋបាលក្រុង ស្រុក ខណ្ឌ» ដែលរៀបចំធ្វើឡើងរយៈពេល២ថ្ងៃ ចាប់ថ្ងៃទី៣១ ខែកក្កដានេះ ដល់ថ្ងៃទី០១ ខែសីហា ឆ្នាំ២០១៧។
ប្រភព៖សារព័ត៌មានFresh news
