ប្រធានបក្សសង្រ្គោះជាតិ ពិភាក្សាពីស្ថានភាពនយោបាយ និងសិទ្ធិមនុស្ស ជាមួយលោកស្រី រ៉ូណា ស្មីត
ប្រធានគណបក្សសង្រ្គោះជាតិ លោក កឹម សុខា បានជួបពិភាក្សាការងារស្ដីពី ស្ថានភាពសិទ្ធិមនុស្ស ការបោះឆ្នោតឃុំសង្កាត់ឆ្នាំ២០១៧ ស្ថានភាពនយោបាយ និងសិទ្ធិមនុស្សជាមួយ លោកស្រី រ៉ូណា ស្មីត (Rhona Smith) អ្នករាយការណ៍ពិសេសរបស់ អង្គការសហប្រជាជាតិ ទទួលបន្ទុកផ្នែកសិទ្ធិមនុស្ស ប្រចាំកម្ពុជា ក្នុងឱកាសដែលលោកស្រី ធ្វើដំណើរមកទស្សនកិច្ច ប្រទេសកម្ពុជាលើកទី៤ រយៈពេល១០ថ្ងៃ ។យោងតាមគេទំព័រហ្វេសប៊ុក របស់លោក កឹម សុខា នៅថ្ងៃទី១៤ ខែសីហា ឆ្នាំ២០១៧នេះ បានឲ្យដឹងថា “ក្នុងជំនួបនេះ យើងបានពិភាក្សាអំពី ស្ថានភាពសិទ្ធិមនុស្ស និងការបោះឆ្នោតឃុំសង្កាត់ឆ្នាំ២០១៧ កន្លងមក និងការប្រមើលមើល ស្ថានភាពនយោបាយ និងសិទ្ធិមនុស្ស ពីពេលនេះ រហូតដល់ការបោះឆ្នោត ជ្រើសតាំងតំណាងរាស្រ្ដ ឆ្នាំ២០១៨” ។
ប្រភព៖សារព័ត៌មានដើមអម្ពិល
