រាជបណ្ឌិត្យសភានឹងចងក្រងសៀវភៅព្រំដែន កម្ពុជា-ឡាវ ទុកឲ្យខ្មែរជំនាន់ក្រោយដឹង និងមិនឲ្យអ្នកនយោបាយ ធ្វើពាណិជ្ជកម្មលើព្រំដែន
លោកបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានថ្លែងថា រាជបណ្ឌិត្យនឹងចងក្រងសៀវភៅ ស្តីពីបញ្ហាព្រំដែនកម្ពុជា-ឡាវ ប្រហែលជា១០០ទំព័រ ដើម្បីទុកឲ្យកូនចៅជំនាន់ក្រោយបានដឹង និងជៀសវាងមិនឲ្យអ្នកនយោបាយ ធ្វើពាណិជ្ជកម្មលើបញ្ហាព្រំដែន។ក្នុងសន្និសីទសារព័ត៌មានលើបញ្ហាព្រំដែនកម្ពុជា-ឡាវ នៅព្រឹកថ្ងៃទី១៨ ខែសីហា ឆ្នាំ២០១៧នេះ លោកបណ្ឌិតបានឲ្យដឹងថា ភាគីឡាវបានយកតំបន់អូតាងាវនៅខេត្តស្ទឹងត្រែង ធ្វើជាអាជីវកម្ម ហើយបែរជាពលរដ្ឋ និង កងទ័ពកម្ពុជា អត់មានទឹកប្រើប្រាស់ទៅវិញ ខណៈតំបន់នេះ ជារបស់កម្ពុជា ប៉ុន្តែឡាវមិនអនុញ្ញាតឲ្យប្រើប្រាស់ នេះជាភាពអាមាសរបស់ខ្មែរ តែកម្ពុជាប្រើប្រាស់បាន ក្នុងនាមនយោបាយការបរទេស។
ប្រភព៖សារព័ត៌មានដើមអម្ពិល
