នាយករដ្ឋមន្ត្រី បារម្ភការចំណាយថវិការដ្ឋលើមន្ត្រីរាជការលើសកំណត់
នៅក្នុងវេទិកាថ្នាក់ជាតិលើកទី ២ ស្តីពី ការការពារនិងអភិរក្សធនធានធម្មជាតិ ដែលរៀបចំដោយក្រសួងបរិស្ថាននៅវិមានសន្តិភាពនៅថ្ងៃទី ២២ ខែសីហា ប្រមុខរដ្ឋាភិបាល កំពុងព្រួយបារម្ភពីការចំណាយថវិកាលើមន្ត្រីរបស់រដ្ឋ ដែលចេះតែកើនឡើងជាលំដាប់។ ដើម្បីដោះស្រាយបញ្ហានេះ លោក ហ៊ុន សែន បានប្រកាសគម្រោងកាត់បន្ថយក្របខណ្ឌមន្ត្រីរាជការដែលស្នើសុំបញ្ចូលនៅក្នុងក្របខណ្ឌរដ្ឋនៅឆ្នាំ ២០១៨ ឲ្យនៅកម្រិតទាបបំផុត។លោក ហ៊ុន សែន បានណែនាំឲ្យរដ្ឋមន្ត្រីក្រសួងសេដ្ឋកិច្ចកាត់បន្ថយចំនួនមន្ត្រីរាជការ ដែលស្ថាប័ននានា ស្នើសុំដើម្បីចូលក្របខណ្ឌរដ្ឋនៅឆ្នាំ ២០១៨។ ប្រមុខរដ្ឋាភិបាល ខ្វាយខ្វល់ដោយសារតែនាពេលបច្ចុប្បន្នរដ្ឋចំណាយថវិកាលើមន្ត្រីរដ្ឋលើសគោលការណ៍ទៅហើយនោះ។ លោកបញ្ជាក់យ៉ាងនេះថា៖ « បើស្នើសុំ ១០០ ឲ្យតែ ១០ ឬ២០ ទៅបានហើយ។ ព្រោះបញ្ហាថវិកាយើងមិនចេះតែចាយៗនោះទេ»។
ប្រភព៖សារព័ត៌មានថ្មីៗ
