មន្ត្រី CPP ថា មិនចាប់អារម្មណ៍ នឹងការរិះគន់រឿងព្រំដែនពីមេបក្ស LDP
ខណៈលោកខឹម វាសនា ប្រធានបក្សសម្ព័ន្ធដើម្បីប្រជាធិបតេយ្យ (LDP) ចោទរដ្ឋាភិបាលថា ក្បត់ប្រជាជនទាក់ទងនឹងរឿងព្រំដែននោះ មន្ត្រីជាន់ខ្ពស់បក្សកាន់អំណាចបានចាត់ទុកការលើកឡើងនេះថា មិនមានអ្វីគួរឲ្យចាប់អារម្មណ៍ទេដោយថា ជាសិទ្ធិនៃការបញ្ចេញមតិ ប៉ុន្តែហាក់ខុសពីអ្នកផ្សេងដែលរិះគន់ពីបញ្ហាព្រំដែនមិនបាន ហើយមានខ្លះកំពុងជាប់ពន្ធនាគារ ដោយសារតែរឿងនេះ។ទោះជាយ៉ាងណា តាមការកត់សម្គាល់កន្លងមកថ្នាក់ដឹកនាំរដ្ឋាភិបាលតែងតែព្រមានចាត់វិធានការផ្លូវច្បាប់ ប្រសិនបើមានជនណានិយាយរិះគន់ពីបញ្ហាព្រំដែន។នៅលើបណ្តាញសង្គមដែល កាលពីថ្ងៃចន្ទ លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យបានពន្លះ រដ្ឋាភិបាលលោកនាយករដ្ឋមន្ត្រី ហ៊ុន សែន ធ្ងន់ៗទាក់ទងនឹងការអភិវឌ្ឍនៅតាមបណ្តោយព្រំដែន កម្ពុជា-វៀតណាម ដោយបានចោទរដ្ឋាភិបាលបច្ចុប្បន្នថា បានធ្វើឲ្យបាត់ដីទៅវៀតណាម ដោយសារមិនហ៊ានតតាំងក្នុងកិច្ចការពារទឹកដីរបស់ខ្លួន។
ប្រភព៖ភ្នំពេញប៉ុស្ដិ៍
