បក្សសង្គ្រោះជាតិ ៖ រាជរដ្ឋាភិបាលយល់ច្រឡំ លើ NDI រឿងចង់ផ្ដួលរំលំ
លោក គឹម សួរភីរិទ្ធ តំណាងរាស្ត្រ គណបក្សសង្គ្រោះជាតិ (CNRP) បានថ្លែងថា ប្រមុខរាជរដ្ឋាភិបាលកម្ពុជា លោក ហ៊ុន សែន មានការយល់ច្រឡំ ទៅលើវិទ្យាស្ថានជាតិប្រជាធិបតេយ្យ ហៅកាត់ថា ( NDI) រឿងចង់ផ្ដួលរំលំរាជរដ្ឋាភិបាល។តំណាងរាស្ត្រ CNRP លើកឡើងបែបនេះ បន្ទាប់ពីរាជរដ្ឋាភិបាល បានសម្រេចបញ្ឈប់សកម្មភាព NDI បន្ទាប់ពីរកឃើញសកម្មភាព មិនគោរពច្បាប់ នៅក្នុងប្រទេសកម្ពុជា ក្រោយពីមានសកម្មភាពជួយបក្សប្រឆាំង ដើម្បីរំលំរាជរដ្ឋាភិបាល។ ឆ្លើយតបភ្លាមៗរបស់ លោក គឹម សួរភិរិទ្ធ បានប្រាប់មជ្ឈមណ្ឌលព័ត៌មាន ដើមអម្ពិល នៅរសៀល ថ្ងៃទី ២៣ ខែសីហា ឆ្នាំ២០១៧ថា “ខ្ញុំយល់ឃើញថា ប្រហែលជាមានការយល់ច្រឡំរវាងគ្នា ហើយរាជរដ្ឋាភិបាល និងអង្គការ NDI អាចជជែងគ្នាបាន ហើយឈរលើគោលការណ៍ គោរពគ្នាទៅវិញទៅមក ក្នុងនាមអ្នកធ្វើការជាមួយគ្នា”។
ប្រភព៖សារព័ត៌មានដើមអម្ពិល
