រដ្ឋមន្ត្រីព័ត៌មាន៖ ការបិទវិទ្យុមួយចំនួន គឺដើម្បីរឹតបន្តឹងការអនុវត្តច្បាប់
រដ្ឋមន្ត្រីក្រសួងព័ត៌មាន នៅតែអះអាងថា ការធ្វើខុសច្បាប់ គឺជាមូលហេតុ ដែលនាំឲ្យវិទ្យុមួយចំនួន ត្រូវបិទចោល។ លោក បញ្ជាក់ថា ការធ្វើបែបនេះ គឺដើម្បីពង្រឹងការអនុវត្តច្បាប់នៅកម្ពុជា។
ក្រោយប្រកាសបិទការផ្សាយរបស់វិទ្យុមហានគរ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានធ្វើសន្និសីទមួយ នៅព្រឹកថ្ងៃទី២៤ ខែសីហា ឆ្នាំ២0១៧នេះ ដើម្បីពន្យល់ហេតុផលបន្ថែម។ លោក ខៀវ កាញារីទ្ធ បញ្ជាក់ថា វិទ្យុមហានគរ បានរំលោភកិច្ចសន្យា ទើបក្រសួងសម្រេចបិទចោលយ៉ាងដូច្នេះ។
ការរំលោភកិច្ចសន្យា ដែលលោក ខៀវ កាញារីទ្ធ បានលើកឡើងនោះ គឺនៅត្រង់ថា វិទ្យុមហានគរ ពុំបានសុំការអនុញ្ញាតពីក្រសួងព័ត៌មានឡើយ នៅពេលជួលម៉ោងផ្សាយ ឲ្យស្ថាប័នដទៃ។ បើតាមលោក ខៀវ កាញារីទ្ធ កិច្ចសន្យា តម្រូវឲ្យវិទ្យុមហានគរ ត្រូវឆ្លងកាត់ការអនុញ្ញាតពីក្រសួង មុននឹងជួលម៉ោងផ្សាយឲ្យស្ថាប័នដទៃ។
ប្រភព៖សារព័ត៌មានថ្មីៗ
