អ្នកនាំពាក្យ CPP ឲ្យរួមគ្នា ដើម្បីពង្រឹង លទ្ធិប្រជាធិបតេយ្យ និងនីតិរដ្ឋនៅកម្ពុជា
លោក សុខ ឥសាន អ្នកនាំពាក្យ គណបក្ស ប្រជាជនកម្ពុជា តាមរយៈសារអេឡិចត្រូនិច Telegram នៅថ្ងៃទី២៨ សីហា នេះ បានអំពាវនាវអ្នកនយោបាយ ប្រជាពលរដ្ឋ និងបណ្តាអង្គការស្ថាប័នទាំងអស់នៅកម្ពុជា រួមគ្នាពង្រឹងលទ្ធិប្រជាធិបតេយ្យ និងនីតិរដ្ឋនៅកម្ពុជា។លោក សុខ ឥសាន បានមានប្រសាសន៍បញ្ជាក់ថា "បើសិនជាប្រជាពលរដ្ឋ គ្រប់រូប អ្នកនយោបាយ និង គណបក្សនយោបាយ ព្រមទាំងអង្គការមិនមែនរដ្ឋាភិបាល ភ្ញាក់រលឹកក្នុងការគោរព និងអនុវត្តច្បាប់ នោះប្រទេស មម្ពុជាយើង នឹងក្លាយទៅជាប្រទេសនីតិរដ្ឋយ៉ាងពិតប្រាកដ"។តែយ៉ាងណាក៏ដោយ លោក សុខ ឥសាន ក៏បានសម្តែងការសោកស្តាយណាស់ ដែលមានបុគ្គលមួយចំនួន អ្នកនយោបាយខ្លះ និងគណបក្សនយោបាយខ្លះ ព្រមទាំអង្គការមិនមែនរដ្ឋាភិបាលមួយចំនួនតូច មិនព្រម ភ្ញាក់រលឹកសោះ ហើយធ្វើសកម្មភាពរំលោភច្បាប់ បំពានច្បាប់។
ប្រភព៖សារព័ត៌មានដើមអម្ពិល
