CNRP សុំឲ្យលោក ស ខេង ពន្យល់ការបំពានអំណាចថ្នាក់ឃុំ
អ្នកតំណាងរាស្ត្រគណបក្សសង្គ្រោះជាតិស្នើឲ្យក្រសួងមហាផ្ទៃពន្យល់ការកែប្រែប្រកាសនៃការសុំលិខិតបញ្ជាក់ទីលំនៅក្នុងគោលដៅនៃការចុះឈ្មោះបោះឆ្នោត និងការបំពានអំណាចចៅសង្កាត់ដែលកើតមានក្រោយពេលគណបក្សសង្គ្រោះជាតិកាន់កាប់ជិត ៥០០ ឃុំចេញពីការបោះឆ្នោតឃុំសង្កាត់នៅក្នុងឆ្នាំ ២០១៧ នេះ។ក្នុងលិខិតចុះថ្ងៃទី ២៨ សីហាតាមរយៈរដ្ឋសភាក្រុមអ្នកតំណាងរាស្ត្រគណបក្សសង្គ្រោះជាតិ ៦ រូបបានសរសេរស្នើទៅកាន់លោក ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃឲ្យពន្យល់ ៤ ចំណុចនៃប្រកាសដែលត្រូវបានកែសម្រួលខុសពីអ្វីដែលធ្លាប់មានពីមុន និងការសម្រេចមួយចំនួនដែលប៉ះពាល់ដល់អំណាចមេឃុំ ឬចៅសង្កាត់។ចំណុចទី ១ ដែលស្នើការពន្យល់ពាក់ព័ន្ធនឹងការចេញលិខិតស្នាក់នៅឲ្យពលរដ្ឋដើម្បីមានសិទ្ធិចុះឈ្មោះបោះឆ្នោត។ ចំណុចនេះពាក់ព័ន្ធនឹងប្រកាសលេខ ១០២៤៥ (ឆ្នាំ ២០១៥) ដែលបានចែងថាពលរដ្ឋអាចទទួលបានលិខិតបញ្ជាក់ពីការស្នាក់នៅដើម្បីចុះឈ្មោះបោះឆ្នោតដោយស្នើសុំទៅចៅសង្កាត់នឹងមានសាក្សីម្នាក់។
ប្រភព៖ភ្នំពេញប៉ុស្ដិ៍
