សង្គមស៊ីវិលស្នើឲ្យរដ្ឋាភិបាលសម្រួលការចុះឈ្មោះបោះឆ្នោតដល់ពលរដ្ឋនៅបរទេស
សង្គមស៊ីវិលផ្នែកសិទ្ធិពលករនៅក្រៅប្រទេស អំពាវនាវរដ្ឋាភិបាលកម្ពុជា សម្របសម្រួលចរចាជាមួយភាគីបរទេស ដើម្បីឲ្យពលរដ្ឋកម្ពុជា អាចមកចុះឈ្មោះបោះឆ្នោតសម្រាប់ការបោះឆ្នោតឆ្នាំ២០១៨។ ការលើកឡើងរបស់សង្គមស៊ីវិលនេះ គឺស្របពេលដែលគណៈកម្មាធិការជាតិរៀបចំការបោះឆ្នោត (គ.ជ.ប) អំពាវនាវចំពោះប្រជាពលរដ្ឋខ្មែរដែលនៅក្រៅប្រទេសមានសិទ្ធិបោះឆ្នោត និងមិនទាន់ចុះឈ្មោះឆ្នោត ឲ្យប្រញាប់រួសរាន់ត្រឡប់មកប្រទេសកម្ពុជា វិញ ដើម្បីចុះឈ្មោះបោះឆ្នោតឆ្នាំ២០១៧ ឲ្យបានទាន់ពេលវេលាកំណត់។លោក មឿន តុលា នាយកប្រតិបត្តិអង្គការសង់ត្រាល់ (CENTAL) លើកឡើងថា ក្រសួងការបរទេសកម្ពុជា និង គ.ជ.ប គួរលើកទឹកចិត្តអ្នកមានសិទ្ធិបោះឆ្នោតនៅក្រៅប្រទេសប្រមាណ ២លាននាក់ ឲ្យទៅចុះឈ្មោះបោះឆ្នោតតាមរយៈការសុំកិច្ចសហការពីប្រទេសម្ចាស់ផ្ទះ។
ប្រភព៖RFA
