លោក ហ៊ុន សែន ព្រមានរំលាយគណបក្សសង្គ្រោះជាតិបើនៅការពារលោក កឹម សុខា
លោក ហ៊ុន សែន ព្រមានរំលាយគណបក្សសង្គ្រោះជាតិម្ដងទៀត កាលពីព្រឹកថ្ងៃទី១១ ខែកញ្ញា ក្នុងពិធីប្រគល់សញ្ញាប័ត្រ ដល់និស្សិតសាកលវិទ្យាល័យវិទ្យាសាស្ត្រសុខាភិបាល។ ប្រសាសន៍របស់លោក ហ៊ុន សែន ដែលស្ដាប់ទៅហាក់ដូចជាលោក កឹម សុខា មានទោសក្បត់ជាតិដោយសេចក្ដីសម្រេចរបស់តុលាការទៅហើយនោះ លើកឡើងថា ប្រសិនបើបក្សនយោបាយបន្តរារាំង និងការពារជនក្បត់ជាតិនេះ មានន័យថា បក្សមួយនេះក្បត់ជាតិទៅហើយ ដូច្នេះគ្មានពេលវេលាដើម្បីទុកបក្សនេះឲ្យដំណើរការ នៅក្នុងប្រជាធិបតេយ្យនៃកម្ពុជាតទៅទៀតទេ។ លោកបន្តថា កម្ពុជារំលាយបក្សនយោបាយមួយ នៅមានគណបក្សនយោបាយច្រើនទៀត ដែលនឹងចូលរួមការបោះឆ្នោត។
ប្រភព៖RFA
