១៣ថ្ងៃ គ.ជ.ប ចុះឈ្មោះបោះឆ្នោត និងចុះបោះឆ្នោតជិត ៨លាននាក់
ក្នុងរយៈពេល ១៣ថ្ងៃ ចាប់ពីថ្ងៃទី១-១៣ ខែកញ្ញា ឆ្នាំ២០១៧ គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានធ្វើបច្ចុប្បន្នភាព បញ្ជីឈ្មោះបោះឆ្នោត និងចុះឈ្មោះបានចំនួន៧,៩៥០,៧១៦នាក់ ស្មើ ៥.២៩% នៅរាធានី-ខេត្តទាំង២៥ ។ លោក ទេព នីថា អគ្គលេខាធិការ គ.ជ.ប បានលើកឡើងក្នុងកិច្ចប្រជុំ ជាមួយភាគីពាក់ព័ន្ធ ស្តីពីដំណើរការប្រព្រឹត្តិទៅ នៃការធ្វើបច្ចុប្បន្នភាពបញ្ជីបោះឆ្នោត និងការចុះឈ្មោះបោះឆ្នោត នៅ តាមឃុំ-សង្កាត់ នៅថ្ងៃទី១៤ កញ្ញាថា ក្នុងនោះ អ្នកដែលបានចុះឈ្មោះ បោះឆ្នោតថ្មីចាប់ពី ថ្ងៃទី ១-១២ កញ្ញា បាន៨៥,៩៦៩នាក់ និងបានលុបឈ្មោះចេញពី បញ្ជីបោះឆ្នោតចំនួន២៩៦នាក់ ។ លោក ទេព នីថា បានលើកឡើទៀតថា ការចុះឈ្មោះ បោះឆ្នោត នៅមានចំនួនទាប ដែលដូចអ្វីនឹងការប៉ាន់ស្មាន។
ប្រភព៖សារព័ត៌មានដើមអម្ពិល
