CPP ថា គណបក្សប្រឆាំងទាំងមូលកំពុងតែចូលរួមក្នុង ចលនាផ្តួលរំលំរាជរដ្ឋាភិបាល
បន្ទាប់ពី គណបក្សសង្គ្រោះជាតិ បានសម្រេចដាក់ស្លាកសញ្ញា នៅតាមគ្រប់ស្នាក់ការបក្ស នៅទូទាំង រាជធានី-ខេត្ត ដើម្បីស្នើសុំឲ្យ មានការដោះលែងលោក កឹម សុខា អ្នកនាំពាក្យគណបក្សប្រជាជនកម្ពុជា លោក សុខ ឥសាន បានអះអាងថា ទង្វើរនេះ បក្សប្រឆាំងកំពុងដើរចូលជុចហើយ។
លោក សុខ ឥសាន បានបញ្ជាក់ថា “ថ្នាក់ដឹកនាំបក្សប្រឆាំង បានប្រជុំដាក់ផែនការ ឲ្យគណប្រតិបត្តិ គណបក្ស គ្រប់ខេត្ត ក្រុងលើកបដាតវ៉ាឲ្យតុលាការដោះលែងលោក កឹម សុខា នៅទូទាំងប្រទេស ។ នេះសបញ្ជាក់ថា គណបក្សប្រឆាំងទាំងមូលកំពុងតែចូលរួមក្នុង ចលនាផ្តួលរំលំរាជរដ្ឋាភិបាលកម្ពុជាស្របច្បាប់ ដូចលោក កឹម សុខា ដែរ មិនអាចប្រកែកបានឡើយ” ។
ប្រភព៖សារព័ត៌មានដើមអម្ពិល
