លោកនាយករដ្ឋមន្រ្តី ប្រាក់ខែកម្មករកម្មការិនីនៅឆ្នាំ២០១៨ មិនត្រូវទាបជាង ១៦០ដុល្លារនោះឡើយ
ថ្លែងក្នុងពិធីជួបសំណេះសំណាលជាមួយកម្មករ កម្មការិនីជាង១ម៉ឺននាក់ នៅលើផ្លូវ៦០ម៉ែត្រ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ នាព្រឹកថ្ងៃទី២៧ ខែកញ្ញានេះ សម្ដេចតេជោ បានលើកឡើងថា “…ប្រាក់ខែគោលរបស់កម្មករ កម្មការិនីនៅឆ្នាំ២០១៨ មិនត្រូវទាបជាង ១៦០ដុល្លារនោះឡើយ ហើយប្រាក់ខែនេះ ត្រូវដំឡើងជារៀងរាល់ឆ្នាំ…”។លោក ហ៊ុន សែន ស្នើដល់គ្រប់ភាគីដែលកំពុងចរចារឿងប្រាក់ឈ្នួលរបស់កម្មករ ត្រូវចរចាដោយស្មារតីទទួលខុសត្រូវមិនមែនចរចាដើម្បីកេងចំណេញ ប្រជាប្រិយភាពពីកម្មករនោះឡើយ។
លោក ក៏បានរំលឹកដល់កម្មករ កម្មការិនីដែលចូលរួមក្នុងឱកាសនេះដែរថា អ្វីៗដែលកម្មករកម្មការិនីកំពុងទទួលបាននេះមិនមែនកើតឡើងដោយឯកឯង ដោយទេវតាប្រទាន ឬដោយបក្សប្រឆាំងនោះទេគឺបានមកដោយសារកិច្ចខិតខំប្រឹងប្រែងរបស់រាជរដ្ឋាភិបាល។
ប្រភព៖រស្មីកម្ពុជា
